Әлем кубогы кезеңіне қатысатын спортшылар анықталды
ҚР ҰОК
Халықаралық спорттық өрмелеу федерациясы Польшадағы Краков қаласында өтетін Әлем кубогы кезеңіне қатысушылар тізімін жариялады. Турнир 3–5 шілде аралығында өтеді.
Қазақстан құрамасының сапына сегіз спортшы енді. Халықаралық додада ел намысын Ришат Хайбуллин, Амир Маймуратов, Дамир Токтаров, Рашид Хайбуллин, Алишер Мурат, Тамара Улжабаева, Анна Баларшина және Арина Новицкая қорғайды.
Қазақстандық спортшылар жеке бағдарламаларда да, эстафеталық жарыстарда да өнер көрсетеді. Кейбір атлеттер үшін Краковтағы кезең рейтингтік ұпай жинап, әлемнің үздік спортшыларымен бәсекеде өз мүмкіндіктерін тексеруге маңызды мүмкіндік болмақ.
Айта кетейік, Польшадағы бұл кезең маусымдағы негізгі халықаралық жарыстардың бірі саналады және оған әлемнің мықты спортшылары қатысады.