Али Алиев «Жеңістің» «Каспийден» жеңілуін түсіндіріп, команданың басты мәселесін атады

«Каспийге» қарсы кездесу 3:2 есебімен алаң иелерінің пайдасына аяқталды. Астаналық команда матчты екі ойыншысы алаңнан қуылғаннан кейін ауыр жағдайда аяқтады.

Ойыннан кейін «Жеңістің» бас бапкері Али Алиев шәкірттерінің мінез көрсетіп, соңғы минуттарға дейін ойынды өзгертуге тырысқанын атап өтті.

«Ең алдымен футболшылардың жанкештілігін айтқым келеді, әсіресе команда тоғыз ойыншымен қалғаннан кейін. Қуылуларға қарамастан, ойыншылар жинақылықты сақтап, күресті жалғастырды және клубтың талаптары мен амбицияларына сай мінез көрсетті.

Ойынның өзіне келсек, алғашқы минуттарда біз тым сақ әрекет еттік. Бұл «Каспийдің» өз алаңында өте сенімді ойнайтынымен байланысты. Мұнда көптеген мықты командалар, соның ішінде чемпионат көшбасшысы «Ордабасы» да ұпай жоғалтқан, сондықтан матчты барынша мұқият бастау қажет екенін түсіндік.

Өкінішке қарай, осы сақтық алыс қашықтықтан жіберілген голға алып келді. Одан кейін біз ойынды қайта құрып, бастаманы қолға ала бастадық, шабуылдар ұйымдастырып, қарсыласқа қысымды күшейттік. Команда берілген тапсырманы орындады, қақпаға қауіпті сәттер болды.

Басты мәселе бұрынғыдай қалып отыр бұл шабуылдарды іске асыру. Дәл осы компонент әзірге бізге қажетті нәтижеге жетуге кедергі келтіріп отыр. Шабуылшылар кей сәттерде суыққандырақ әрекет етіп, міндетті түрде гол соғуы керек. Егер ойыншы тиімді позициядан, қақпа алдында немесе пенальти нүктесіне жақын жерден мүмкіндікті пайдалана алмаса, бапкердің оған ықпал етуі қиын.

Элдерге келсек, қазір оған осы жағдайдан шығуға көмектесу қажет. Біз онымен жеке сөйлесіп, мәселенің шешімін табуға тырысамыз», деді Алиев.

19 турдан кейін «Жеңіс» 22 ұпай жинап, турнирлік кестеде тоғызыншы орында тұр.

Еске салайық, Али Алиевтің командасы келесі ойынын 29 шілде күні өткізеді. ҚПЛ аясында астаналық клуб сырт алаңда «Қайсармен» кездеседі.