«Андерлехтпен» «Қайрат» арасындағы қарымта матчта аншлаг күтілуде
Фото: f.c.kairat
«Андерлехт» пен «Қайрат» арасындағы Еуропа лигасының плей-офф кезеңіндегі қарымта матч көрерменге лық толы трибуналар алдында өтеді. Бельгиялық клуб ойынға арналған барлық стандартты билеттердің сатылып кеткенін хабарлады.
Кездесу 27 тамызда Брюссельдегі Lotto Park стадионында өтеді. Қазір жанкүйерлер үшін тек Business Seats санатындағы орындар қолжетімді.
Матчқа деген қызығушылықтың жоғары болуы алғашқы ойынның нәтижесімен де байланысты. Бір апта бұрын командалар Алматыда кездесіп, «Андерлехт» ірі есеппен 3:0 жеңіске жетті.
Есепті Лукас Амброс ашса, кейін бельгиялықтардың басымдығын Даниил Сикан еселеді. Тағы бір доп «Қайраттың» қақпасына Яакко Оксаненнің автоголынан кейін кірді.
Енді алматылықтарды Брюссельде аса қиын міндет күтіп тұр. Еуропа лигасындағы күресті жалғастыру мүмкіндігін сақтау үшін команда үш доп айырмасын жоюы қажет.
Бұл жұптың жеңімпазы Еуропа лигасының негізгі кезеңінде өнер көрсетуді жалғастырады.