«Ақтөбе» футзал командасы қола жүлдегер атанды

Қазақстан чемпионатында үшінші орын үшін өткен серияның үшінші матчында «Ақтөбе» «Атырауды» жеңді.

 Ойын ақтөбелік команданың алаңында өтіп, негізгі уақытта 1:1 есебімен тең аяқталды. Кездесудің тағдыры мен қола жүлденің иегері пенальти сериясында анықталып, «ақ-қызылдар» 4:3 есебімен жеңіске жетті. 

Еске салайық, серияның алғашқы матчында «Атырау» 4:2 есебімен жеңіске жеткен, ал екінші ойында «Ақтөбе» қосымша уақытта 7:5 есебімен басым түсіп, есепті теңестірген еді. 

Қазақстан чемпионатының алтын медалі үшін «Қайрат» пен «Семей» командалары таласуда. 25 маусымда семейлік команда алматылықтарды жеңіп, сериядағы есепті 2:1-ге жеткізіп, алға шықты. Семейдің футзал клубы келесі ойында жеңіске жетсе, Қазақстан чемпионы атануы мүмкін.