«Астана» өз көшбасшысын 3 миллион еуроға бағалады
Фото: instagram.com/fca.astana
«Астана» футбол клубы Босния және Герцеговина құрамасының жартылай қорғаушысы Иван Башичті қандай сомаға жіберуге дайын екенін анықтады.
Amanvibe.kz мәліметінше, елордалық клуб 24 жастағы футболшы үшін 3 миллион еуро алуды көздеп отыр. Егер әлеуетті сатып алушы жартылай қорғаушыны өз құрамына алғысы келсе, дәл осы соманы төлеуі керек.
Башичтің Қазақстанның жеті дүркін чемпионымен келісімшарты 2028 жылдың жазына дейін жарамды. Сондықтан «Астана» ойыншыны клубқа тиімсіз шарттармен сатуға мүдделі емес.
Еске салайық, жазда Башич Қазақстан Премьер-лигасынан әлем чемпионатында өнер көрсеткен жалғыз ойыншы болды. Ол Босния және Герцеговина құрамасы сапында үш матч өткізді.
Қазақстан Премьер-лигасының осы маусымында жартылай қорғаушы 18 матчқа қатысып, төрт гол соқты және төрт нәтижелі пас берді.