Бейнешолу: ПСЖ «Слованды» ойсырата жеңді

Париждік команда алғашқы таймның өзінде үш жауапсыз гол соқты. Усман Дембеле 17-минутта есеп ашса, араға алты минут салып дубль жасады. Ал 31-минутта Ферран Торрес мергендігімен көзге түсті.

Үзілістен кейін испаниялық шабуылшы 47 және 57-минуттарда тағы екі гол соқты. «Слованның» жалғыз голын 58-минутта Сүлейман Камара бұрынғы «Қайсар» және «Астана» жартылай қорғаушысы Тигран Барсегянның пасынан кейін енгізді. Қорытынды есепті 87-минутта алаң иелерінің жартылай қорғаушысы Фабиан Руис белгіледі. Жалпы париждік команда қарсыласының қақпасына 35 соққы жасаған.

Айта кетейік, «Слован» өткен маусымда Чемпиондар лигасының үшінші іріктеу кезеңінде «Қайратпен» кездескен. Алматы клубы қарсыласын пенальти сериясында (1:1; 4:3) жеңіп, келесі кезеңге өтті. Сол турнир барысында «сары-қаралар» жалпы кезеңге жолдама алды.

Екінші турда ПСЖ 15 қазанда сырт алаңда «Манчестер Ситиге» қарсы ойнаса, «Слован» сол күні өз алаңында «Штутгартты» қабылдайды.