«Бүгін бізді тоқтату қиын болды»: Ферапонтов «Қайсардың» «Жеңісті» жеңуін бағалады
«Қайсар» ФК
Қызылорданың «Қайсар» клубының бас бапкері Андрей Ферапонтов Қазақстан кубогының жартылай финалындағы «Жеңіске» қарсы алғашқы матчтан кейін өз пікірін білдірді.
Өз алаңында өткен ойында «Қайсар» 3:1 есебімен сенімді жеңіске жетті. Кездесудің басты кейіпкері дубль авторы Нұралы Жақсылық болды. Тағы бір голды Виктор Мозес пенальтиден соқты. Ал «Жеңіс» сапында жалғыз голды Андрия Филипович өз еншісіне жазды.
Матчтан кейін Ферапонтов шәкірттерінің нәтижелілігін атап өткенмен, финалға шығу мәселесі әлі шешілмегенін айтты.
«Бізге ұзақ уақыт бойы екі голдан артық соғу бұйырмай жүрген еді, бүгін команда өз мүмкіндіктерін ақыры пайдаланды. Бірақ бұл тек қарсыласумен алғашқы бөлім ғана, алда қарымта ойын бар. Біз өте мықты қарсыласпен ойнағанымызды түсіндік, Астанада бізді қиын матч күтіп тұр. «Жеңіс» міндетті түрде жағдайды түзетуге тырысады», – деді «Қайсардың» бас бапкері.
Маман сондай-ақ стадионда ерекше атмосфера қалыптастырған жанкүйерлерге алғысын білдірді. Ферапонтовтың айтуынша, 11 мыңға жуық көрерменнің қолдауы команда үшін қосымша күш болған.
«Мұндай қолдау футболшылар үшін өте маңызды. Жанкүйерлер нағыз мереке сыйлады – тамаша атмосфера, перформанс болды, команда осы энергияны сезінді. Бүгін бізде нағыз он екінші ойыншы болғандай әсер қалдырды», – деп қосты ол.
Айта кетейік, «Жеңіс» пен «Қайсар» арасындағы қарымта матч 19 тамыз күні Астанада өтеді. Ал екінші жартылай финалда «Ордабасы» өз алаңында «Алтайды» 3:1 есебімен жеңді.
