«Челсидің» қаптал ойыншысы Мудрик «Тоттенхэмге» ауысады
«Челси» ФК
«Тоттенхэм» «Челсимен» украиналық қанат ойыншысы Михаил Мудрикті жалға алу бойынша келісімге келді.
Фабрицио Романоның ақпаратына сәйкес, клубтар футболшыны ақылы түрде жалға беру туралы келісімді мақұлдаған. Келісімшартта ойыншыны 87,5 млн еуроға міндетті емес сатып алу құқығы қарастырылған.
«Тоттенхэмде» Мудрик бұған дейін донецкілік «Шахтерде» бірге жұмыс істеген Роберто Де Дзербимен қайта қауышады.
2023 жылдың қаңтарында украиналық футболшы «Шахтерден» «Челсиге» 70 млн еуроға ауысқан. Лондондық клуб сапында ол жалпы 73 матч өткізіп, 10 гол соғып, 6 нәтижелі пас берген.
Айта кетейік, 2024 жылдың қазанында Мудриктің допинг сынамасынан мельдоний іздері анықталған болатын. Осыдан кейін Англия футбол қауымдастығы ойыншыны уақытша жарыстардан шеттетті.
Биыл шілдеде тараптар бұл істі реттеп, дисквалификация мерзімі өтелді деп танылды. Мудрик алаңға оралғаннан кейін «Челсидің» құрамында үш жолдастық матчқа қатысты.