Данияр Елеусиновтің Рио-де-Жанейродағы «алтыны» және Сергей Ковалевтің жарқын жеңісі: спорт тарихындағы бұл күн

Қазақстан:

Қазақстанның Олимпиададағы жеңістер күні

2016 – осы күні қазақстандық спортшылар Бразилияның Рио-де-Жанейро қаласында өткен Олимпиада ойындарында екі медаль жеңіп алды:

Боксшы Данияр Елеусинов алтын медаль иеленіп, финалда Өзбекстан өкілі Шахрам Гиясовты 3:0 есебімен жеңді.

Әйелдер күресінен Қазақстан намысын қорғаған Эльмира Сыздықова (69 келі) Рио Олимпиадасының қола жүлдегері атанды. Қола медаль үшін белдесуде Сыздықова мысырлық Энас Мостафа Юссеф Ахмедті 7:4 есебімен жеңді.

Әлем:

Формула-1-дің төрт дүркін чемпионы Австрия Гран-приін жеңіп алды

1986 – осы күні McLaren-TAG командасының атақты француз автошабандозы Ален Прост Австрия Гран-приінің жеңімпазы атанды. Мәреге екінші болып Ferrari командасының италиялық өкілі Микеле Альборето келсе, үшінші орынды оның командаласы Стефан Йоханссон иеленді. Жарыс Шпильбергтегі Остеррайхринг трассасында өтті.

Рафаэль Надальдың тарихи «алтыны»

2008 – осы күні испаниялық атақты теннисші Рафаэль Надаль Бейжің Олимпиадасында алтын медаль жеңіп алды. Финалда ол чилилік Фернандо Гонсалесті 6:3, 7:6, 6:3 есебімен жеңді. Ол теннистен Испанияның тұңғыш Олимпиада чемпионы атанды. Келесі Олимпиадада, Рио-де-Жанейрода, испаниялық теннисші жұптық сында да Олимпиада чемпионы атанды.

Гол Лионеля Месси принес «Барселоне» Суперкубок Испании

2011 – осы күні «Барселона» Испания Суперкубогының иегері атанды. Каталониялық клуб «Камп Ноу» стадионында өткен финалдың қарымта кездесуінде мадридтік «Реалды» 3:2 есебімен жеңді. Голдарды Андрес Иньеста (15'), Криштиану Роналду (20'), Лионель Месси (45'), Карим Бензема (82') және Лионель Месси (88') соқты. Екі матчтың қорытындысы бойынша есеп 5:4 болды.

Сергей Ковалев WBO нұсқасы бойынша чемпион атанды

2013 – осы күні жартылай ауыр салмақта өнер көрсеткен ресейлік боксшы Сергей Ковалев уэльстік Натан Клеверлиді төртінші раундта техникалық нокаутпен жеңіп, одан WBO нұсқасы бойынша чемпиондық белдікті тартып алды. Клеверли ресейлік боксшының қуатты соққыларының астында қалды. Нәтижесінде төреші Терри О’Коннор жекпе-жекті тоқтатты. Кездесу Уэльс астанасы Кардиффте (Ұлыбритания) өтті.

Бұл күні дүниеге келгендер:

1952 – Нельсон Пике, бразилиялық автошабандоз, Формула-1-дің үш дүркін чемпионы.

1977 – Тьерри Анри, француз футболшысы әрі жаттықтырушысы. «Алтын бутсы» жүлдесінің екі дүркін иегері. АПЛ тарихындағы үздік футболшылардың бірі, әлем және Еуропа чемпионы, «Барселона» сапында Чемпиондар лигасының жеңімпазы.

1984 – Оксана Домнина, ресейлік мәнерлеп сырғанаушы. Мұздағы биден Максим Шабалинмен жұп болып өнер көрсетті. 2010 жылы Ванкувер Олимпиадасында қола медаль жеңіп алды.