Елена Рыбакина Торонто турнирінің ширек финалына шықты
Бөлісу
Фото: wtatennis.com
Қазақстанның бірінші ракеткасы Елена Рыбакина Канаданың Торонто қаласында өтіп жатқан WTA-1000 санатындағы турнирдің ширек финалына жолдама алды.
1/8 финалда қазақстандық теннисші тартысты кездесуде ресейлік Людмила Самсонованы (әлемдік рейтингте №55) 6:4, 4:6, 6:4 есебімен жеңді.
Матч 2 сағат 49 минутқа созылды. Осы уақыт ішінде Рыбакина 11 эйс жасап, 6 қос қателік жіберді және 17 брейк-пойнттың 7-еуін сәтті пайдаланды.
Келесі айналымда қазақстандық теннисші Лейла Фернандес (Канада) пен Наоми Осака (Жапония) арасындағы матчтың жеңімпазымен кездеседі.
