Франция әлем чемпионатын жеңіспен бастады

Ойын АҚШ-тың Ист-Ратерфорд қаласындағы «Метлайф» стадионында өтті. Кездесуді аустралиялық төреші Алиреза Фагани басқарды.

Есеп ұзақ уақыт бойы ашылмады. Бірақ 66-минутта Килиан Мбаппе Францияны алға шығарды. 82-минутта алаңға кейін қосылған Брэдли Барколя есепті 2:0 етті.

Сенегал 90+5-минутта Ибраима Мбайе арқылы бір гол соғып, интриганы қайта жандандырды. Алайда келесі шабуылда Мбаппе дубль жасап, матчтың нүктесін қойды - 3:1.

Мбаппе үшін бұл гол оның ұлттық құрамадағы 58-ші нәтижелі соққысы болды. Осылайша ол Оливье Жиру рекордын жаңартып, Франция құрамасының ең үздік бомбардиріне айналды.

Осы жеңістен кейін Франция I тобында 3 ұпаймен көш бастады, ал Сенегал соңғы орынға түсті. Кейінірек Норвегия мен Ирак өзара кездеседі.