Грегори Родригес UFC Fight Night 285 турнирінің басты жекпе-жегінде жеңіске жетті
Фото: Yahoo Sports
Бразилиялық файтер Грегори Родригес Сакраментода өткен UFC Fight Night 285 турнирінің басты жекпе-жегінде мексикалық Энтони Эрнандесті жеңді.
Орта салмақтағы кездесу бес раундқа жоспарланып, толық қашықтыққа созылды. Жекпе-жек қорытындысы бойынша үш төреші де Родригестің жеңісін тіркеді – 48:47, 49:46, 48:47.
Бұл жеңіс Грегори Родригес үшін кәсіби мансабындағы 20-жеңіс болды. Ал Энтони Эрнандес ММА-дағы төртінші жеңілісіне ұшырады. Жекпе-жек алдында мексикалық спортшы UFC-дің орта салмақ рейтингінде алтыншы орында болса, Родригес 11-сатыда тұрған.
Осылайша, бразилиялық файтер рейтингтің үздік алтылығындағы қарсыласын жеңіп, дивизиондағы жағдайын жақсартты. Бұл нәтиже оған алдағы уақытта рейтингте жоғары көтерілуге мүмкіндік береді.