Ислам Махачев Иан Гарримен болатын жекпе-жек туралы пікір білдірді
Фото: Getty Images
UFC ұйымының жартылай орта салмақтағы чемпионы Ислам Махачев ирландиялық Иан Гарриге қарсы алдағы жекпе-жек туралы ойын айтты.
Ресейлік файтердің сөзінше, бұл кездесу Хабиб Нурмагомедов пен Конор Макгрегор арасындағы әйгілі қарсыластықтағыдай ерекше эмоциялық мәнге ие емес.
MMA Fighting басылымына берген сұхбатында Махачев Гарриді тек кезекті қарсылас ретінде қабылдайтынын және бұл жекпе-жекті елдер арасындағы принципті бәсекемен байланыстырмайтынын атап өтті.
«Мен үшін бұл жай ғана келесі қарсылас. Мұнда мемлекеттер арасында ешқандай тарих жоқ. Бірақ ирландиялық файтерлермен жекпе-жектер туралы айтсақ, қазір есеп 2:0, ал осы кездесуден кейін 3:0 болады деп үміттенемін», – деді чемпион.
34 жастағы дағыстандық спортшы ММА-ға дейін де үлкен жетістіктерге жетіп, жауынгерлік самбодан Ресей және әлем чемпионы атанған. Кәсіби мансабын ол 2010 жылы бастап, бес жылдан кейін UFC-де дебют жасады.
2022 жылы Махачев жеңіл салмақта чемпион атанып, кейін белбеуін төрт рет сәтті қорғады. Кейін жартылай орта салмаққа ауысып, 2025 жылы бұл дивизионда да чемпиондық титулды иеленді.
Ислам Махачевтің келесі жекпе-жегі 16 тамыз күні Филадельфияда өтетін UFC 330 турнирінде болады. Оның қарсыласы жеңіліп көрмеген ирландиялық жартылай орта салмақ өкілі Иан Гарри.