Испания Португалияны жеңіп, әлем чемпионатының ширек финалына шықты
Фото: Getty Images
Испания құрамасы 2026 жылғы әлем чемпионатының ширек финалына жолдама алды. 1/8 финалда испаниялықтар Португалияны 1:0 есебімен тізе бүктірді.
АҚШ-тың Техас штатындағы Арлингтон қаласында орналасқан «Эй-Ти-энд-Ти» стадионында өткен кездесуде ұзақ уақыт бойы есеп ашылған жоқ. Матч қосымша уақытқа ұласатындай көрінгенімен, испаниялықтар ойынға қосылған минуттарда шешуші соққы жасады.
Жеңіс голының авторы Микель Мерино болды. Ол 85-минутта Дани Ольмоны алмастырып, алаңға шықты. Ал 90+1-минутта Ферран Торрестің нәтижелі пасын голға айналдырып, өз командасына жеңіс сыйлады.
2026 жылғы әлем чемпионаты. Плей-офф. 1/8 финал
Португалия – Испания – 0:1
Гол: Мерино, 90+1.
Кездесудің бас төрешісі Англия өкілі Энтони Тейлор болды.
Осы жеңістің арқасында Испания құрамасы әлем чемпионатының ширек финалына шығып, Бельгиямен кездесетін болды.
Айта кетейік, қазіргі әлем чемпионы – 2022 жылғы әлем чемпионатының финалында Францияны жеңген Аргентина құрамасы.
