Кака: Біз әлемдік футболдан қала бастадық
Фото: Nelson Terme / CBF
Бразилия құрамасының бұрынғы жартылай қорғаушысы Кака 2026 жылғы әлем чемпионатынан кейін ұлттық құраманы ұзақмерзімді даму бағытымен қайта құру қажет екенін айтты.
Әлем чемпионаты аяқталғаннан кейін Кака Бразилия футболында жүйелі өзгерістер жасауға шақырды.
«Келесі әлем чемпионатына дейін төрт жыл бар. Осы уақыт ішінде Бразилия футболының жобасын қайта іске қосу туралы байыппен ойлануымыз керек. Бұл әлем чемпионаты біздің әлемдік футболдан қалып қоя бастағанымызды көрсетті. Бізге жастар құрамаларын дамытуды да қамтитын ұзақмерзімді жоба қажет. Бразилия футболының өзіне тән ДНҚ-сын қайта қайтаруымыз керек», – деді Кака The Touchline басылымына берген пікірінде.
Еске салайық, 2026 жылғы әлем чемпионатында Бразилия өз тобында бірінші орын алғанымен, плей-офф кезеңінде әуелі Жапонияны 2:1 есебімен жеңіп, кейін 1/8 финалда Норвегияға 1:2 есебімен жол берді.
Команданың үздік сұрмергені Винисиус Жуниор болды. Ол турнир барысында 4 гол соғып, 1 нәтижелі пас авторы атанды.