Канада қосымша уақытта ОАР-ды жеңіп, 1/8 финалға шықты
Бөлісу
Фото: fifa.com
Канада құрамасы матчтың 92-минутында гол соғып, Оңтүстік Африка Республикасын жеңіп, өз тарихында алғаш рет әлем чемпионатының 1/8 финалына шықты.
Кездесу барысында канадалықтар қауіпті сәттерді көбірек жасап, қарсылас қақпасына 7 рет дәл соққы бағыттады. Ал жалғыз жеңіс голын канадалық Стивен Эуштакиу қосымша уақыттың 92-минутында соқты.
Матч АҚШ-тың Инглвуд қаласындағы «Соу-Фай» стадионында өтті. Плей-офф кезеңіндегі бұл алғашқы ойынды португалиялық төреші Жоау Пиньейру жүргізді.
Осылайша, тарихында алғаш рет әлем чемпионатының 1/8 финалына шыққан Канада келесі матчта Нидерланд – Марокко жұбының жеңімпазымен кездеседі.