«Келесі кездескенше, Бейжің»: Рыбакина турнирден кейін алғаш рет жазба жариялады
Фото: Getty Images
Әлемнің бірінші ракеткасы Елена Рыбакина WTA-1000 санатындағы Бейжің турниріндегі өнерін аяқтағаннан кейін жанкүйерлерімен суреттері мен қысқа хабарламасын бөлісті.
«Келесі кездескенше, Бейжің», – деп жазды қазақстандық теннисші әлеуметтік желідегі парақшасында.
Рыбакина үшін Қытай астанасындағы турнир екінші айналымда аяқталды. Әлемнің бірінші ракеткасы атанғаннан кейінгі алғашқы матчында ол WTA рейтингінде 118-орында тұрған Армения өкілі Алина Чараевамен кездесті.
Қазақстандық теннисші алғашқы партияда 6:3 есебімен жеңіске жеткенімен, кейінгі екі сетте 4:6, 3:6 есебімен жеңіліп қалды. Осылайша, Чараева турнирдегі басты сенсациялардың бірін жасаса, Рыбакина Бейжіңдегі жарысты аяқтады.
Айта кетейік, бұл матч 27 жастағы Рыбакина үшін әлемдік рейтингте бірінші орынға ресми түрде көтерілгеннен кейінгі алғашқы кездесу болды. Қазақстандық теннисші 2026 жылғы US Open турниріндегі жеңісінен кейін 14 қыркүйекте әлемнің бірінші ракеткасы атанды.
US Open финалында Рыбакина Беларусь өкілі Арина Соболенконы үш сетте 6:4, 5:7, 6:2 есебімен жеңді. Осы жеңістің арқасында ол мансабында алғаш рет WTA рейтингінде көш бастады.