«Левски» – «Қайрат» матчын қайдан көруге болады
«Қайрат» ФК
Қазақстандық «Қайрат» УЕФА Чемпиондар лигасының үшінші іріктеу кезеңіндегі алғашқы кездесуін болгариялық «Левски» командасына қарсы өткізеді.
Ойын 4 тамыз, сейсенбі күні София қаласында өтеді. Астана уақытымен сағат 22:30-да басталады. Кездесу халықаралық матчтар кезінде 17 688 көрермен қабылдай алатын «Георги Аспарухов» стадионында ұйымдастырылады.
Қазақстандық жанкүйерлер матчты Qazsport телеарнасынан тікелей эфирде тамашалай алады.
Ойынның ең қызықты сәттерін Sport-hub.kz Telegram арнасындағы тікелей трансляция режимінде бақылауға болады.
Командалар арасындағы қарымта кездесу 11 тамызда Түркістан қаласында өтеді. Екі ойын қорытындысы бойынша УЕФА Чемпиондар лигасының іріктеу кезеңіндегі плей-офф раундына шығатын команда анықталады.
