«Манчестер Юнайтед» – «Сабах»: Покатилов ойнайтын матчты қайдан көруге болады?
Фото: ФК «Сабах»
11 қыркүйекке қараған түні «Манчестер Юнайтед» пен «Сабах» Чемпиондар лигасының негізгі кезеңі аясында кездеседі.
Әзірбайжандық клуб үшін бұл тарихи матч болмақ. Команда алғаш рет Еуропаның басты клубтық турнирінің осы кезеңінде ойнайды. Кездесу Астана уақытымен 00:00-де басталады.
Матчқа қазақстандық жанкүйерлер тарапынан да ерекше қызығушылық бар. «Сабах» сапында Қазақстан құрамасының қақпашысы Стас Покатилов өнер көрсетеді.
«Манчестер Юнайтед» үшін алдағы кездесу үш жылдық үзілістен кейін Чемпиондар лигасына оралу болмақ. Ағылшын клубы турнирді үш рет жеңіп алған. Өткен маусымда команда Еурокубоктарға қатыспай, Англия чемпионатындағы ойындарға басымдық берді. Маусым қорытындысы бойынша «қызыл сойқандар» АПЛ-де үшінші орын алып, Еуропаның басты клубтық турниріне жолдама иеленді.
Айта кетейік, бұған дейін «Манчестер Юнайтед» пен «Сабах» өзара кездеспеген. Әзербайжандық команда Чемпиондар лигасындағы абсолютті дебютант саналады. Сондықтан алдағы матч клуб тарихындағы ерекше оқиға болмақ.
«Манчестер Юнайтед» – «Сабах»: матчты қайдан көруге болады
Кездесу «Олд Траффорд» стадионында өтіп, 11 қыркүйекте Астана уақытымен 00:00-де басталады.
Матчтың тікелей трансляциясын Qazsport телеарнасынан көруге болады.