Мареска «Манчестер Сити» клубының бас бапкері болып ресми түрде тағайындалды

46 жастағы италиялық маманмен жасалған келісімшарт 2028/29 маусымының соңына дейін есептелген. Бұл қызметте Мареска Хосеп Гвардиоланы алмастырды.

«Манчестер Сити» мен өте жақсы білетін клуб, ал бұл команданы басқару мүмкіндігі мен үшін керемет мүмкіндік. Бұл менің мұндағы үшінші кезеңім болады. Мен «Ситиді», оның талаптары мен үміттерін жақсы білемін. Мұнда жұмыс істейтін адамдардың сапасы бұл орынды ерекше етеді, сондықтан маған сенім артқандары үшін алғыс айтқым келеді. Біз жеңіске жетіп, әдемі футбол көрсетіп, қысымнан ләззат алғымыз келеді», — деді Мареска.

Бұған дейін италиялық маман «Манчестер Сити» жастар командасын жаттықтырған, кейін Гвардиоланың бапкерлер штабына кірген. Одан соң «Парма», «Лестер» және «Челси» клубтарында бас бапкер болып жұмыс істеді. Ол «Челсиден» қаңтар айында кеткен болатын. БАҚ мәліметінше, «қалалықтар» лондондық клубқа 20 миллион еуро көлемінде өтемақы төлейді.

Мареска «Челсиді» басқарған кезде Конференциялар лигасын және клубтар арасындағы әлем чемпионатын жеңіп алды.