Мбаппе жарақатына қарамастан Париждегі түнгі клубта Эстер Экспоситомен бірге көзге түсті
Фото: Vantix Magazine
«Реал» шабуылшысы Килиан Мбаппе тағы да испан баспасөзінің назарына ілікті. Бұл жолы футболға қатысты емес. Жарақатына байланысты алаңнан тыс қалған француз футболшысы Париждегі түнгі клубтардың бірінде испаниялық актриса Эстер Экспоситомен бірге болған.
Мбаппе 30 қыркүйек күні кешке Boum Boum клубында болған. Футболшының клубтағы кадрлары әлеуметтік желілерде тез тарап, оның Парижге сапары Испанияда қызу талқылана бастады. Бұл оқиғаға футболшының қазір тізесінен алған жарақатына байланысты ресми түрде ойыннан тыс қалғаны да қосымша назар аудартты.
Мбаппе Франция құрамасының Түркияға қарсы матчында жарақат алған. Ол кездесуде жеңіс голын соққанымен, көп ұзамай ауырсынуды сезініп, алаңнан ауыстырылды.
«Реал» сапына оралғаннан кейін француз футболшысы медициналық тексеруден өтті. Клуб шабуылшының сол жақ тізесінің артқы капсуласында гиперэкстензия анықталғанын хабарлады. Алдын ала болжам бойынша, оның қалпына келуіне шамамен 10–12 күн қажет.
Осыған байланысты футболшының түнгі клубта болғаны сұрақ туғызды. Испаниялық БАҚ-та жарақатына байланысты жаттығуларға қатыспаған ойыншының Парижде уақыт өткізуі талқыланды.