Месси алтын бутсаға басты фаворит саналып отыр

FMD суперкомпьютерінің болжамына сәйкес, Аргентина құрамасының капитаны турнирді 7 голмен аяқтап, үздік бомбардир болады. Бұл нәтижеге жету ықтималдығы 47,2% деп бағаланған.

Мессидің негізгі бәсекелестері Килиан Мбаппе және Эрлинг Холанд. Болжам бойынша, екеуі де турнирді 6 голмен аяқтайды. Француз шабуылшысының жеңіске жету мүмкіндігі 21,8%, ал норвегиялық ойыншыныкі – 15,1%.

Екі турдан кейін Месси 5 голмен мергендер тізімінің көшін бастап тұр. Ал Мбаппе мен Холанд 4 голдан соғып, екінші орынды бөлісуде. Криштиану Роналду, болжам бойынша, чемпионатты 3 голмен аяқтап, бұл жүлде үшін айтарлықтай таласқа түсе алмайды.

Айта кетейік, «Алтын бутса» – бұл жеке марапат, ол жыл сайын Еуропаның ұлттық чемпионаттарындағы ең үздік бомбардирге табысталады. Жүлде 1968 жылы Еуропалық спорт басылымдары қауымдастығы тарапынан тағайындалған.

Лионель Месси осы жүлдені ең көп жеңіп алған рекордсмен. Ол мансабында «Алтын бутсаны» 6 рет иеленген, және барлық жүлдені «Барселона» сапында (2000–2021) жеңіп алған.