«МЛ Витебск» Әдиевке қатысты мәлімдеме жасады
Фото: Getty Images
Беларусьтің «МЛ Витебск» клубы ресейлік маман Магомед Әдиевпен қоштасу туралы түсініктеме берді. Клубтың мәлімдеуінше, ынтымақтастықтың тоқтатылуына бапкердің жұмыс орнында себепсіз болмауы себеп болған.
Тиісті хабарлама команданың ресми телеграм-арнасында жарияланды. Сонымен қатар, бапкердің кетуіне байланысты жағдай шиеленісе түсті: бұған дейін Әдиевтің өкілдері келісімшартты мерзімінен бұрын тоқтату туралы шешімді бапкердің өзі қабылдағанын айтқан еді. Олардың сөзінше, бұған клуб тарапынан жасалған заңсыз әрі қорлайтын әрекеттер себеп болған, бұл жағдай жұмыс істеуді мүмкін емес еткен.
Ал «МЛ Витебск» өз нұсқасында қалып, маман жұмысқа келмегені үшін қызметінен босатылғанын мәлімдеді.
Әдиев витебскілік клубты 2026 жылғы 28 сәуірде басқарған. Оның жетекшілігімен команда жеті матч өткізіп, төрт жеңіске жетті, бір рет тең ойнап, екі рет жеңілді.
Еске салайық, қазақстандық жанкүйерлерге ресейлік маман Қазақстан құрамасымен жұмыс істегені арқылы жақсы таныс. Ол ұлттық құраманы 2022 жылғы сәуірден 2024 жылғы мамырға дейін жаттықтырды. Осы уақыт ішінде команда 21 матч өткізіп, 11 рет жеңіске жетіп, бір рет тең ойнап, тоғыз рет жеңіліс тапты. Сонымен қатар, Әдиев бұған дейін Қарағандының «Шахтер» клубының бас бапкері қызметін атқарған.
