Моуринью Ямалдың «Алтын допқа» қатысты мәлімдемесіне жауап берді
Фото: Getty Images
Мадридтік «Реалдың» бас бапкері Жозе Моуринью «Барселона» жартылай қорғаушысы Ламин Ямалдың «Алтын допқа» қатысты мәлімдемесіне пікір білдірді.
Бұған дейін 19 жастағы испаниялық футболшы маусым қорытындысы бойынша беделді жеке жүлдеге «Реал» шабуылшысы Килиан Мбаппеден гөрі өзі лайық екенін айтқан еді. Жас футболшының бұл мәлімдемесі көпшіліктің назарын аударды.
Моуринью жүлдеге кімнің лайық екені туралы пікірталасқа араласудан бас тартты.
«Мен барлығының мәлімдемесіне пікір білдіре алмаймын. Бірақ әр футболшының айтқанына құрметпен қараймын», - деді португалиялық маманның сөзін AS. басылымы келтірді.
Ямаль клуб деңгейінде де, халықаралық аренада да сәтті маусым өткізді. «Барселона» сапында испаниялық футболшы Ла Лига чемпионы атанса, Испания құрамасымен бірге әлем чемпионатында алтын медаль жеңіп алды.
Осылайша, 19 жастағы вингер әлем футболындағы басты жеке жүлде үшін күресуге ниетті. Ал оның басты қарсыластарының бірі Мбаппе саналады.
«Алтын доп» иегерінің есімі 26 қазанда белгілі болады. Беделді футбол жүлдесін табыстау рәсімі Лондонда өтеді.