NBA 2025/2026 плей-офф кезеңіде барлық жартылай финал жұптары анықталды
Фото: НБА ресми сайты
«Кливленд Кавальерс» NBA плей-офф раундының екінші кезеңіндегі шешуші жетінші матчта «Детройт Пистонсты» жеңді.
Детройтта өткен кездесу қонақтардың 125:94 (31:22, 33:25, 35:26, 26:21) есебіндегі жеңісімен аяқталды.
Матчтың ең нәтижелі ойыншысы «Кавальерс» қорғаушысы Донован Митчелл болды. Ол 26 ұпай жинады. Оның командаласы Эван Мобли дабл-дабл жасап — 21 ұпай еншіледі және 12 рет допты тартып алды. «Пистонс» сапында плеймейкер Денисс Дженкинс 17 ұпаймен көзге түсті.
«Кливленд» серияны 4:3 есебімен жеңіп, NBA плей-оффының соңғы жартылай финалисі атанды.
Жартылай финалда «Кливленд» «Нью-Йорк Никспен» кездеседі. Ал қазіргі чемпион «Оклахома-Сити Тандер» «Сан-Антонио Спёрске» қарсы финал жолдамасын сарапқа салады.
Осылайша, NBA плей-оффының барлық жартылай финалдық жұптары белгілі болды. Шығыс конференциясының финалында «Кливленд Кавальерс» пен «Нью-Йорк Никс» кездеседі. Командалар арасындағы алғашқы матч 20 мамыр күні өтеді. Батыс конференциясының финалында «Сан-Антонио Спёрс» пен «Оклахома-Сити Тандер» ойнайды. Алғашқы кездесу 19 мамыр күні болады.
NBA-ның қазіргі чемпионы — «Оклахома-Сити».