Нұрасыл Төлебек Сербиядағы «Belgrade Winner» халықаралық турнирінде топ жарды
Фото: Қазақстан бокс федерациясы
Қазақстандық боксшы Белградтағы халықаралық турнирде ұлттық құрамаға алғашқы алтын медальді сыйлады.
60 келіге дейінгі салмақ дәрежесінде Қазақстан өкілі төрт жекпе-жек өткізіп, барлығында жеңіске жетті. Финалда Нұрасыл кубалық Винсенте Луис Энрикені төрешілердің біріңғай шешімі бойынша 5:0 есебімен жеңді. Бұл алтын медаль Қазақстан үшін аталған турнирдегі алғашқы алтын болды.
Нұрасыл Төлебектің финалға дейінгі нәтижелері:
1/2 финал — Эрик Арстамянды (Армения) 4:1 есебімен жеңді
1/4 финал — канадалық Ааян Кхокарды 5:0 есебімен жеңді
1/8 финал — түркиялық Селахатдин Чинибулакты 3:1 есебімен жеңді
Айта кетейік, тағы бір қазақстандық Ибрагим Бетаев та финалда жұдырықтасады. 90 келіге дейінгі салмақта ол кубалық Уильямс Нельсонмен қолғап түйістіреді.