«Ордабасы» қорғаушысы Килама Румыния клубына ауысуы мүмкін
«Ордабасы» ФК
Камерундық футболшы Ги Килама алдағы трансферлік кезеңде чемпионатын ауыстыруы мүмкін.
«Ордабасының» орталық қорғаушысына румыниялық «Университатя Крайова» клубы қызығушылық танытып отыр. Клуб өкілдері футболшының ықтимал трансферіне қатысты байланысқа шыққан.
Africafoot мәліметінше, келіссөздер әзірге бастапқы кезеңде. Дегенмен тараптар диалогты жалғастыруға ниетті. Негізгі мәселе — «Ордабасының» ұстанымы, себебі 27 жастағы қорғаушының трансферлік құқықтары қазақстандық клубқа тиесілі.
Киламаның Шымкент клубымен келісімшарты 2026 жылдың желтоқсанына дейін жарамды. Сондықтан румыниялық клуб футболшымен жеке шарттарды келісіп қана қоймай, трансфер талаптары бойынша «Ордабасымен» де келісуі керек. Transfermarkt мәліметінше, ойыншының болжамды құны 1 миллион еуро.
Килама Шымкентке Түркияның «Хатайспор» клубындағы өнерінен кейін келген. Қысқа уақыт ішінде ол «Ордабасының» қорғанысындағы негізгі ойыншылардың біріне айналып, тұрақты түрде алаңға шығып жүр.
Айта кетейік, камерундық футболшы осы маусымда барлық турнирде 24 матч өткізді. Осы кездесулерде үш гол соғып, бір нәтижелі пас берген.