«Партизан» Конференциялар лигасы іріктеу кезеңінде «Тобылды» ірі есеппен жеңді
Фото: partizanbelgrade / Instagram
Белградта УЕФА Конференциялар лигасының үшінші іріктеу кезеңі аясында сербиялық «Партизан» мен қостанайлық «Тобыл» арасындағы алғашқы кездесу аяқталды.
Алаң иелері 3:0 есебімен жеңіске жетті.
Матчтағы есеп 33-минутта ашылды. Бұрыштама добынан кейін доп Демба Секке келіп, ол айып алаңындағы серіктесінің пасын пайдаланып, дәл соққымен қақпаны дәл көздеді.
Екінші таймның басында «Партизан» тағы бір гол соққанымен, бейнеқайталаудан кейін бұл гол есепке алынбады. Дегенмен сербиялық клуб шабуылын жалғастырып, 65-минутта басымдығын арттырды. Гол авторы – Зубайру.
Кездесудің қосымша уақытында «Партизан» есепті ірі етті. 90+6-минутта Траоре «Тобыл» қақпасына үшінші голды соғып, матчтың соңғы нәтижесін белгіледі.
Айта кетейік, бірінші таймда «Тобыл» сапындағы Александр Зуевтің голы офсайдқа байланысты есепке алынбады.
УЕФА Конференциялар лигасы. 3-ші іріктеу кезеңі
«Партизан» – «Тобыл» – 3:0
Голдар: Сек, 33; Зубайру, 65; Траоре, 90+6.
Командалар арасындағы қарымта матч 13 тамызда Қостанайда өтеді. Екі ойын қорытындысы бойынша келесі кезеңге шығатын команда анықталады. Жеңімпаз келесі раундта Испанияның «Хетафе» клубымен кездеседі.
