Пепе дубль жасап, Кот-д’Ивуарды әлем чемпионатының плей-офф кезеңіне шығарды
Фото: Getty Images
Кот-д’Ивуар құрамасы 2026 жылғы әлем чемпионаты топтық кезеңінің соңғы турында Кюрасао командасын сенімді түрде жеңді.
Филадельфиядағы «Линкольн Файненшл Филд» стадионында өткен кездесу африкалық құраманың 2:0 есебімен жеңісімен аяқталды.
Матчтың басты кейіпкері Николя Пепе болды. Шабуылшы 7-минутта есеп ашып, ойынның бағытын айқындады. Үзілістен кейін ол дубль жасап, жеңімпазға қатысты барлық сұрақты жапты. Екінші голын ивуариялық футболшы 64-минутта соқты.
Әлем чемпионаты, 3-тур, Е тобы
Кюрасао – Кот-д’Ивуар – 0:2
Голдар: 7, 64 – Пепе
Бұл жеңіс Кот-д’Ивуарға 6 ұпай жинап, Е тобында екінші орынмен плей-офф кезеңіне шығуға мүмкіндік берді. 1/16 финалда ивуариялықтар I тобында екінші орын алатын командамен кездеседі. Олардың қарсыласы Франция немесе Норвегия болуы мүмкін. Матч 30 маусым күні Арлингтонда өтеді.
Айта кетейік, Кюрасао құрамасы үшін әлем чемпионаты аяқталды. Команда небәрі 1 ұпай жинап, өз тобында соңғы орын алды және келесі кезеңге өте алмады.
