Петр Ян мен Мераб Двалишвили үшінші рет жекпе-жек өткізеді
Фото: Zuffa LLC
UFC ұйымы жеңіл салмақтағы чемпион Петр Ян мен грузиялық Мераб Двалишвили арасындағы үшінші жекпе-жекті ресми түрде жариялады.
Титулдық айқас 24 қазанда Абу-Дабиде (БАӘ) өтетін UFC 333 турнирінің басты оқиғасы болады. Жекпе-жек Etihad Arena аренасында өтеді. Кездесуде UFC-дің жеңіл салмақтағы чемпиондық белбеуі сарапқа салынады.
Ян мен Двалишвили бұған дейін октагонда екі рет кездескен. 2023 жылдың наурызында өткен алғашқы жекпе-жекте грузиялық спортшы төрешілердің бірауызды шешімімен жеңіске жетті. Ал екінші кездесу 2025 жылдың желтоқсанында UFC 323 турнирінде өтті. Бұл жолы Петр Ян төрешілердің бірауызды шешімімен басым түсіп, чемпиондық белбеуді иеленді.
Осылайша, үшінші жекпе-жек алдында спортшылардың өзара кездесулеріндегі есеп – 1:1. Алдағы айқас трилогия жеңімпазын анықтап қана қоймай, Петр Янның чемпиондық атағын кезекті рет қорғауы болмақ.
