ПСЖ «Астон Вилланы» жеңіп, УЕФА Суперкубогын иеленді
Фото: Getty Images
Париждік клуб 2026 жылғы УЕФА Суперкубогының иегері атанды.
Шешуші кездесуде ПСЖ Англияның «Астон Вилласынан» 2:1 есебімен басым түсті.
Париждіктер матчты белсенді бастап, есепті алғаш ашты. 20-минутта Хвича Кварацхелия команданың шабуылын дәл соққымен аяқтап, допты ағылшын клубының қақпасына бағыттады.
«Астон Вилла» қарсыласына үзіліске жеңіліспен шығуға мүмкіндік бермеді. 45-минутта Брайан Маджо мүмкіндігін сәтті пайдаланып, есепті теңестірді – 1:1.
Үзілістен кейін ПСЖ қайтадан алға шықты. 61-минутта матчтың екінші бөлігінде алаңға шыққан Усман Дембеленің пасынан кейін Дезире Дуэ қақпашымен бетпе-бет шығып, мүмкіндігін мүлт жібермеді.
Бұл эпизод төрешілердің қосымша назарына ілікті. Бастапқыда офсайдқа байланысты гол есептелмеді. Алайда төреші VAR жүйесіне жүгінгеннен кейін эпизодты қайта қарап, голды дұрыс деп таныды. Осылайша есеп 2:1 болып, ПСЖ пайдасына өзгерді.
УЕФА Суперкубогы – 2026
ПСЖ – «Астон Вилла» – 2:1
Голдар: Кварацхелия, 20; Маджо, 45; Дуэ, 61.
Айта кетейік, париждіктер қатарынан екінші маусымда УЕФА Суперкубогының иегері атанды.
