Қазақстан құрамасы Алматыда ашық жаттығу өткізді

Жаттығуды жанкүйерлер мен жас баскетболшылар тамашалады. Олар ұлттық құраманың дайындығын көріп, ойыншылар және жаттықтырушылар штабымен тілдесіп, қолтаңба алып, суретке түсуге мүмкіндік алды.

Қазақстан құрамасы FIBA-2029 Азия кубогының алғашқы іріктеу кезеңіндегі өз алаңындағы турнирге дайындалып жатыр. Матчтар 26-31 тамыз аралығында Алматыдағы Балуан Шолақ атындағы Спорт сарайында өтеді.

Қазақстан құрамасының қарсыластары Мальдив аралдары, Палестина, Қырғызстан және Шри-Ланка құрамалары. Командалар 2029 жылғы Азия кубогының іріктеу кезеңінің келесі раундына жолдамалар үшін таласады.

Алдын ала іріктеу FIBA-2029 Азия кубогына өтетін іріктеудің алғашқы кезеңі саналады. Қазақстан құрамасы турнирдің алдыңғы кезеңіндегі іріктеу науқанынан кейін жаңа циклді бастайды.

Айта кетейік, Алматыда өтетін Қазақстан құрамасының матчтарына билеттерді Ticketon.kz платформасынан сатып алуға болады.