Қазақстан құрамасының шабуылшысы ҚХЛ-дың жаңа клубында мансабын жалғастырады
Қазақстан құрамасының шабуылшысы Максим Мұхаметов Владивостоктың «Адмирал» клубымен келісімшартқа отырып, ҚХЛ-дегі мансабын жаңа командада жалғастыратын болды.
Жаңа келісім бір маусымға есептелген және екіжақты сипатқа ие. Хоккейшінің ауысқаны туралы «Адмирал» клубының баспасөз қызметі ресми түрде хабарлады. Бұған дейін Мұхаметов астаналық «Барыс» клубынан екіжақты келісім арқылы кетіп қалған еді.
Өскемен хоккей мектебінің түлегі ҚХЛ-дегі дебютін 2023/24 маусымында магнитогорлық «Металлург» сапында өткізді. Сол командамен бірге ол Гагарин кубогын жеңіп алды. Кейін «Барыс» сапында ойнап, екі маусым өткізді.
Жалпы, Континенталдық хоккей лигасында Мұхаметов 70 матчқа қатысып, 8 шайба соғып, 2 нәтижелі пас беріп, 10 ұпай жинаған. Енді ол мансабын «Адмирал» сапында жалғастырады.
