Қазақстан U-19 құрамасы Швейцариядан жеңілді
ҚФФ
Қазақстанның 19 жасқа дейінгі футболдан жасөспірімдер құрамасы Словакияда өтіп жатқан Youth Nations Cup халықаралық турниріндегі екінші матчын өткізді.
Тимур Қасымов шәкірттері Швейцария жастарына 1:2 есебімен есе жіберді.
Қазақстан құрамасы сапындағы жалғыз голды Аламгир Смақов соқты. Шабуылшы 65-минутта мергендік танытты.
Еске салайық, Қазақстан U-19 турнирдегі алғашқы кездесуінде Словакиямен 1:1 есебімен тең түскен болатын.
Жасөспірімдер құрамасы турнирдегі соңғы матчын 1 қазанда Польшаға қарсы өткізеді.