Қазақстандық әлем чемпионы Қазақстан кубогының жеңімпазы атанды
Бөлісу
Фото: ҚР ҰОК
Қазақстандық еркін күрес шебері Ризабек Айтмұхан (97 кг) Қазақстан кубогының жеңімпазы атанды, деп хабарлайды Sporthub.kz.
Финалдық белдесуде Айтмұхан Шығыс Қазақстан облысының балуаны Нұрдәулет Бекеновпен кездесіп, оны мерзімінен бұрын 10:0 есебімен жеңді.
Финалға дейін Ризабек Айтмұхан барлық қарсыласын айқын басымдықпен ұтты:
1/8 финал — Әкежан Айтбековты 11:0 есебімен жеңді
Ширек финал — Мүслім Жақыповты 11:0 есебімен жеңді
Жартылай финал — Иманғали Қалдыбекті 10:0 есебімен жеңді
Айта кетейік, Ризабек Айтмұхан — 2023 жылғы әлем чемпионы.