Қазақстандық хоккейші ВХЛ ең үздік жаңа ойыншысы атанды

«Магнитка» сапында өнер көрсеткен 23 жастағы қақпашы тұрақты чемпионатта да, плей-оффта да өте жақсы маусым өткізді. Тұрақты кезеңде Әмірбеков 34 матчқа қатысып, соққылардың 93,3 пайызын қайтарды, ал сенімділік коэффициенті 2,16 болды.

Плей-офф ойындарында қазақстандық қақпашы 9 матч өткізіп, соққылардың 94 пайызын тойтарды. Сондай-ақ ол Петров кубогы плей-оффындағы ең ұзақ «құрғақ сериялардың» бірінің авторы атанды. Ол 174 минуттан астам уақыт бойы қақпасына гол жібермеді. Оның ойынының арқасында магнитогорскілік клуб плей-оффтың екінші раундына дейін жетті.

Маусымаралық кезеңде Әмірбеков «Металлург» жүйесінен кетті және айырбас нәтижесінде жаңа клубтың ойыншысы атанды.