Қазақстандық клуб Армения чемпионатында ойнайды
«Атырау Барыстары» БК
Қазақстандық баскетбол клубы «Атырау Барыстары» 2026/27 жылғы маусымда Арменияның ProBasket чемпионатына қатысады.
«Атырау Барыстарын» турнир қатысушылары қатарына қосу туралы ұйымдастырушылар әлеуметтік желілерде хабарлады. Осылайша, қазақстандық клуб лига тарихындағы елдің алғашқы өкілі атанады.
ProBasket Armenia чемпионатында тек армениялық командалар ғана емес, сонымен қатар шетелдік клубтар да өнер көрсетеді. Турнирге тұрақты түрде америкалық баскетболшылардан жасақталған командалар да қатысады.
«Атырау Барыстары» клубы 2003 жылы құрылған. Бұған дейін команда Еуразиялық баскетбол лигасында ойнаған. 2019/20 жылғы маусымда атыраулық клуб «Финал төрттікке» дейін жетіп, шешуші матчта ресейлік «Арсеналға» 78:89 есебімен есе жіберген.