ҚПЛ-дегі сенсациялық шешім? Клубтардың бірі чемпионаттан шеттетілуі мүмкін
«Елімай» ФК
21 қыркүйекте Қазақстан футбол федерациясының конференциясы өтеді. Оның барысында Премьер-лигадағы командалардың бірінің алдағы тағдырына әсер етуі мүмкін мәселелер қаралуы ықтимал.
Журналист Ермұхамед Мәуленнің ақпаратына сәйкес, отырыста ҚПЛ клубтарының бірін Қазақстан чемпионатынан шығару мәселесі қаралуы мүмкін.
«Алдағы конференцияның күн тәртібі ауқымды болады. Алайда басты назар командалардың бірін чемпионаттан шығару мәселесіне аударылуы мүмкін. Яғни қазіргі Премьер-лига қатысушыларының бірі турнирден кетуі ықтимал», — деп жазды Мәулен Telegram-арнасында.
Егер тиісті шешім қабылданса, Қазақстанның жоғарғы дивизионындағы командалар құрамы қайта өзгеруі мүмкін. Еске салайық, осы маусымның басынан бері Премьер-лигада 16 команда өнер көрсетіп келеді.
Сонымен қатар легионерлер санына қатысты мәселе де қазақстандық футболдағы негізгі тақырыптардың бірі болып отыр. Бұған дейін ҚФФ ҚПЛ-дегі шетелдік футболшыларға қатысты қолданыстағы лимитті өзгерту мүмкіндігін қосымша талқылауды жоспарлап отырғаны белгілі болған.
23 турдан кейінгі турнир кестесінде «Ордабасы» көш бастап тұр. Алматылық «Қайрат» бірінші орыннан төрт ұпайға қалып келеді. Алайда қазіргі чемпионның бір ойыны артық.
Клубты Премьер-лигадан ықтимал шығару жөніндегі түпкілікті шешім 21 қыркүйекте өтетін конференция барысында қабылдануы мүмкін.