Сәтбаев қоштасу матчында дубль жасап, «Қайратқа» жеңіс сыйлады
«Қайрат» ФК
Алматылық «Қайрат» ҚПЛ-дің 17-туры аясындағы кейінге қалдырылған матчта петропавлдық «Қызылжарды» сенімді түрде жеңіп, қарсылас қақпасына жауапсыз үш гол соқты.
Кездесудің басты кейіпкері Дастан Сәтбаев болды. 59-минутта шабуылшы алыстан әдемі соққымен есеп ашып, командасының жеңісіне жол бастады. Матчтың соңына қарай алаң иелерінің басымдығын 85-минутта гол соққан Исмаил Бекболат арттырды. Ал екі минуттан кейін Сатпаев тағы да қарсылас қақпасын дәл көздеп, дубль авторы атанып, ойынның қорытынды есебін белгіледі - 3:0.
Бұл жеңіс алматылықтарға чемпионаттағы үш матчтық жеңіссіз серияны үзуге мүмкіндік берді. Бұған дейін команда «Атыраумен» (1:1) және «Қайсармен» (0:0) тең түсіп, сондай-ақ сырт алаңда шымкенттік «Ордабасыға» 1:2 есебімен жеңілген болатын.
Жеңіс «Қайратқа» маңызды үш ұпай әкеліп, турнирлік кестеде екінші орынға көтерілуіне мүмкіндік берді. 14 матчтан кейін команда қоржынында 30 ұпай бар. Ал «Қызылжар» 15 ұпаймен оныншы орында тұр.
Айта кетейік, бұл ойын Дастан Сәтбаев үшін алматылық клуб сапындағы қоштасу матчы болды. Ол енді лондондық «Челсиге» ауысады.
