«Шахтёр» ҚПЛ-ға қайта оралады
«Шахтёр» ФК
Қарағандылық «Шахтер» Бірінші лиганың аяқталуына алты тур қалғанда КПЛ-ға қайта оралатынын қамтамасыз етті. Команда бұл жолдаманы сырт алаңда «Елімай М» командасын 3:0 есебімен жеңгеннен кейін рәсімдеді.
20-турдағы кездесуде есепті 37-минутта Андрей Ульшин ашты. Бірінші тайм аяқталуға аз қалғанда Нұрхан Қағазбаев қонақтардың басымдығын еселеді. Ал 70-минутта алаңға ойын ауыстыру арқылы шыққан Артем Литош қорытынды есепті белгіледі.
20 турдан кейін қарағандылықтар 55 ұпай жинап, Бірінші лиганың турнирлік кестесінде көш бастап келеді. Айта кетейік, маусымның аяқталуына алты тур қалды.
Екінші орында келе жатқан «Қайрат-Жастар» жоғары дивизионға көтеріле алмайды, себебі ол КПЛ клубының құрылымына кіреді. Тіпті «Шахтер» үшінші орынға түсіп қалған жағдайда да, жоғары дивизионға көтерілуге құқығы бар үздік екі команданың қатарында қалады.
Еске салайық, 2025 жылдан бері қарағандылық клуб қазақстандық кәсіпкер Тимур Турловқа тиесілі. Ол халықаралық қаржылық холдинг Freedom Holding Corp. компаниясының негізін қалаушы әрі бас атқарушы директоры.