Стэнли кубогы — 2026 жартылай финал кезеңінің екі қатысушысы анықталды
2025/2026 жылғы Ұлттық хоккей лигасы маусымының плей-офф кезеңіндегі ширек финал қорытындысы бойынша Стэнли кубогының екі жартылай финалисі белгілі болды.
Жартылай финалға тұрақты чемпионат қорытындысында өз конференцияларында бірінші орын алған «Колорадо Эвеланш» (Батыс) пен «Каролина Харрикейнз» (Шығыс) шықты.
«Колорадо» қазіргі Стэнли кубогы додасындағы тоғыз ойынның сегізінде жеңіске жетті. Команда «Лос-Анджелес Кингзді» 4:0, ал «Миннесота Уайлдты» 4:1 есебімен жеңді.
Ал «Каролина» барлық сегіз матчында жеңіске жетіп, «Оттава Сенаторз» бен «Филадельфия Флайерзге» қарсы серияларды 4:0 есебімен аяқтады.
Қазіргі таңда екі команда да жартылай финалдағы қарсыластарын күтіп отыр.
«Эвеланштың» Батыс конференциясы финалындағы қарсыласы «Вегас Голден Найтс» немесе «Анахайм Дакс» болуы мүмкін. Қазір серияда Парадайс қаласының клубы 3:2 есебімен алда келеді.
Ал Шығыс конференциясының финалында «Каролинаға» қарсы ойнауға «Баффало Сэйбрз» бен «Монреаль Канадиенс» таласуда.
Қос команда бір-бірін екі реттен жеңіп үлгерді. Сондықтан оларды кем дегенде тағы екі кездесу күтіп тұр.