«Ювентус» – «Ренн»: Еуропа лигасы матчын тікелей эфирде қайдан көруге болады?
«Ювентус» ФК
Туриндік «Ювентус» УЕФА Еуропа лигасының жалпы кезеңіндегі үшінші турда франциялық «Ренн» командасын өз алаңында қабылдайды.
Кездесу 22 қазанда Турин қаласындағы «Альянц» стадионында өтеді. Матч Қазақстан уақытымен 21:45-те басталады. Ойынды Qazsport телеарнасынан тікелей эфирде көруге болады. Сондай-ақ кездесудің негізгі сәттерін Sport-hub.kz Telegram арнасынан бақылауға мүмкіндік бар.
«Ювентус» Еуропа лигасындағы алғашқы екі матчында жеңіске жетті. Бірінші турда италиялық клуб нидерландтық «Неймегенді» 5:0 есебімен ойсырата жеңсе, екінші турда сырт алаңда испаниялық «Сельтадан» 2:1 есебімен басым түсті.
Ал «Ренн» алғашқы турда австриялық «Штурммен» 0:0 есебімен тең ойнады. Одан кейін өз алаңында грекиялық ОФИ клубын 2:1 есебімен жеңді.
Командалар бұған дейін 1999 жылы Интертото кубогының финалында кездескен. Сол кезде «Ювентус» екі матчтың қорытындысы бойынша 4:2 есебімен жеңіске жеткен.
Еуропа лигасының жалпы кезеңіндегі төртінші турда «Ювентус» 6 қарашада сырт алаңда нидерландтық АЗ клубымен ойнаса, «Ренн» өз алаңында грекиялық «Олимпиакосты» қабылдайды.