Жапония құрамасы 2026 жылғы әлем чемпионатында Нидерландпен тең түсті
Бөлісу
Фото: fifa.com
Нидерланд құрамасы Жапонияға қарсы ойында 2026 жылғы футболдан әлем чемпионатының топтық кезеңіндегі алғашқы ойында қолда тұрған жеңісінен айырылды.
Азиялық команда матч барысында екі рет есепті теңестіре алды. Алдымен 50-минутта Вирджил ван Дейк гол соғып, есеп ашты. Алайда 7 минуттан кейін Кейто Накамура жауап голын енгізді. Одан кейін нидерландтықтар тағы да алға шығып, 64-минутта Крисенсио Саммервилл мергендігімен көзге түсті. 88-минутта Дайти Камада есепті теңестірді. Қорытынды есеп — 2:2.
Енді Нидерланд пен Жапония бір ұпайдан жинап, F тобында бірінші және екінші орындарды бөлісіп тұр. Ал бірінші орынға шығуға Швеция мен Тунис талпынады, олардың ойыны Қазақстан уақыты бойынша таңғы 07:00-де өтеді.
