15 жастағы шахматшы Қазақстан Чемпионы атанды

Астана қаласында (Coventry University Kazakhstan) классикалық шахматтан өтіп жатқан ерлер арасындағы Қазақстан біріншілігінде жаңа чемпионның есімі белгілі болды, - деп хабарлайды ҚР Туризм және спорт министрлігі Спортты дамыту дирекциясының баспасөз қызметі.

Сауат Нұрғалиев 15 жасында алтыннан алқа тағып, сенсация жасады. Ол 13 турда 9 ұпай жинады. Бүгінгі шешуші ойындағы тең нәтиже Сауаттың ел үздігі атануына кедергі болмады.

Ерлер санатындағы (Open) жүлдегерлер:

1. IM Сауат Нұрғалиев (2464, Астана) 9 ұпай

2. IM Жандос Ағманов (2473, Астана) 8,5 ұпай

3. GM Рамазан Жалмаханов (2464, Алматы) 8 ұпай.

Әйелдер арасында да тартыс соңғы сәтке дейін сақталды. Нәтижесінде алғашқы төрттіктегі барлық шахматшы да бірдей ұпай еншіледі. Орындар тек қосымша көрсеткіш бойынша анықталды.

Жүлдегерлер:

1. Лия Құрманғалиева, 9 балл

2. Зарина Нұрғалиева, 9 балл

3. Елназ Қалиахмет, 9 балл.