Александр Шевченко Словакиядағы турнирдің екінші айналымына шықты
Бөлісу
Фото: ATP
Қазақстандық теннисші Александр Шевченко Словакияның Братислава қаласында өтіп жатқан «Челленджер» сериясындағы турнирдің алғашқы айналымынан сәтті өтті.
Бірінші кезеңде Шевченко әлемдік рейтингте 263-орында тұрған румыниялық Филип Кристиан Жиянуға қарсы кортқа шықты. Бірінші сетте қазақстандық спортшы 6:4 есебімен басым түсті. Екінші партияда ол 3:0 есебімен алға шыққаннан кейін қарсыласы кездесуді мерзімінен бұрын аяқтауға шешім қабылдады.
Ойын 1 сағат 2 минутқа созылды.
Енді Шевченко ширек финал жолдамасы үшін чехиялық Гинек Бартон мен бельгиялық Бувайсар Гадамаури арасындағы кездесудің жеңімпазымен ойнайды.