Алуа Нұрман командалық әлем чемпионатында күміс жүлде жеңіп алды
Фото: Kazchess
Қазақстандық шахматшы Алуа Нурман Гонконгта өткен рапид және блиц бойынша командалық әлем чемпионатында жекелей есепте күміс жүлдегер атанды.
Рапид сайысында 19 жастағы спортшы «Барыс» командасы құрамында өнер көрсетті. Команда соңғы турға дейін жүлдеге таласып, қорытындысында тоғызыншы орынға тұрақтады.
Турнир барысында Нұрман өз клубына Магнус Карлсен командасын жеңуге көмектесті, бұрынғы әлем чемпионы Александра Костенюк және қазіргі әлем чемпионы Цзюй Вэньцзюнь қарсы партияларды тең аяқтады. Сонымен қатар Гулрухбегим Тохиржонова мен 2025 жылғы Әлем кубогының жеңімпазы Дивья Дешмух үстінен жеңіске жетті. Турнирді қазақстандық шахматшы Харика Дронавалли қарсы тең нәтижемен аяқтады.
Рапид қорытындысы бойынша Алуа Нурман өз тақтасында жекелей есепте күміс медаль иеленді. Блиц сайысында да жоғары нәтиже көрсетіп, Еуропа чемпионы-2025 Теодора Иньяц жеңіп, блиц бойынша 2018 жылғы әлем чемпионатының қола жүлдегері Лэй Тинцзе қарсы микроматчта басым түсті.
Еске салайық, командалық әлем чемпионатында Қазақстан атынан екі ұжым Kazchess және «Барыс» қатысты. Kazchess құрамында рапидте әуесқой тақтада Кумар Тюлюпов қола жүлде жеңіп алды.
