Англия – Конго ДР матчының тікелей трансляциясы
ФИФА
Англия құрамасы 2026 жылғы әлем чемпионатының 1/16 финалында Конго Демократиялық Республикасы құрамасына қарсы ойнайды.
Кездесу 1 шілде күні АҚШ-тың Атланта қаласындағы «Мерседес-Бенц» стадионында өтеді. Матч Қазақстан уақытымен сағат 21:00-де басталады.
Қазақстандық жанкүйерлер бұл ойынды Qazsport телеарнасынан тікелей эфирде тамашалай алады. Сондай-ақ кездесудің ең маңызды сәттерін Sport-hub.kz Telegram арнасындағы live режимінде бақылауға мүмкіндік бар.
Айта кетейік, Англия құрамасы топтық кезеңде жеті ұпай жинап, L тобында бірінші орынмен плей-офф кезеңіне шықты. Ал Конго Демократиялық Республикасы төрт ұпаймен K тобында үшінші орын алып, 1/16 финалға жолдама алған болатын.
Еске салайық, 2026 жылғы әлем чемпионаты АҚШ, Канада және Мексикада өтіп жатыр. Турнир 19 шілдеде аяқталады. Биыл алғаш рет әлем чемпионатының финалдық кезеңіне 48 құрама қатысуда.