Арман Царукян UFC 331 алдында лақап атын өзгертті
Фото: x_@BloodyElbow
UFC-дің жеңіл салмақтағы армениялық файтері Арман Царукян өзінің «Ахалкалакец» деген лақап атын «Бэтмен» деп өзгертетінін мәлімдеді.
Жекпе-жекші бұл шешімін жанкүйерлердің оны бұрыннан «Бэтмен» деп атап жүргенімен түсіндірді.
«Мен лақап атымды өзгерттім. “Ахалкалакец” — менің туған жеріме байланысты қойылған еді. Бірақ жанкүйерлер мені үнемі “Бэтмен” деп атайды. Сондықтан енді мен жай ғана Бэтмен боламын», — деді Царукян журналист Ариэль Хельваниге берген сұхбатында.
29 жастағы Царукян келесі жекпе-жегін 19 қыркүйекте Лос-Анджелесте өтетін UFC 331 турнирінде өткізеді. Оның қарсыласы бразилиялық Маурисио Руффи. Жекпе-жек жеңіл салмақта өтеді және турнирдің екінші маңызды кездесуі болады.
Бастапқыда Царукян Чарльз Оливейрамен реванш өткізуі тиіс еді. Алайда бразилиялық файтер жекпе-жектен шығып қалды.
Айта кетейік, Царукянның кәсіби мансабында 23 жеңіс және 3 жеңіліс бар. Армениялық спортшы қазір қатарынан бес жекпе-жекте жеңіске жетіп отыр.
UFC-дегі соңғы кездесуінде ол Дэн Хукерді екінші раундта тұншықтыру әдісімен жеңген.