Махачев Холлоуэйдің UFC-дегі қос чемпион мәртебесіне қатысты сынына жауап берді

Даудың басталуына Холлоуэйдің сұхбатта Махачевті нағыз қос чемпион деп санамайтынын айтуы себеп болды. Ресейлік спортшы әлеуметтік желіден сұхбаттың үзіндісін көріп, жарияланымның астына қысқа пікір қалдырған.

«Білмеймін, бауырым. Оларды ұстаудың өзі тым ауыр. Бірақ сен мұны түсінбейсің, кешір», — деп жазды Махачев.

Қазіргі уақытта 34 жастағы Ислам Махачев UFC-дің жартылай орта салмақтағы чемпионы. Ол бұл мәртебесін 16 тамызда Филадельфияда өткен UFC 330 турнирінде қорғап қалды.

Махачев бес раунд бойы Иэн Мачадо Гэрримен жекпе-жек өткізді. Ирландиялық спортшы чемпионға айтарлықтай қиындық туғыза алмады. Нәтижесінде жекпе-жек аяқталған соң үш төреші де жеңісті ресейлік файтерге берді.

Осылайша Махачев жаңа салмақ дәрежесіндегі чемпиондық белбеуін алғаш рет сәтті қорғады.

77 келіге дейінгі жартылай орта салмаққа көтерілгенге дейін Махачев жеңіл салмақта өнер көрсеткен. Ол бұл дивизиондағы чемпиондық белбеуді 2022 жылы жеңіп алған.

Ал 2025 жылы ресейлік файтер жеңіл салмақтан кетіп, жоғары салмақ дәрежесіне көтерілді. Ол жерде екінші UFC чемпиондық белбеуін иеленді. Дәл осы жағдай оның «қос чемпион» мәртебесіне қатысты пікірталастың туындауына себеп болды.

Енді Махачев алдында жаңа міндет тұр — келесі қарсыласын анықтау. Гэрримен жекпе-жектен кейін титулдық кездесуге ықтимал үміткерлер қатарында Шавкат Рахмонов, Карлос Пратес және Майкл Моралес аталды.