Бибісара Асаубаева ФИДЕ рейтингінде жетінші орынға түсті
Фото: olympic.kz
Қазақстандық шахматшы Бибісара Асаубаева Халықаралық шахмат федерациясының жаңартылған әйелдер арасындағы рейтингінде екі сатыға төмендеді.
Қазан айындағы Top 100 Women рейтингінде Асаубаеваның классикалық шахматтағы көрсеткіші 2532 ұпайды құрады. Алдыңғы жаңартумен салыстырғанда қазақстандық шахматшы төрт ұпай жоғалтып, бесінші орыннан жетінші орынға түсті.
Одан жоғарыда енді Александра Горячкина мен Тань Чжунъи орналасқан. Екеуінің де еншісінде 2536 ұпай бар. Ал рейтингтің көшін төрт дүркін әлем чемпионы Хоу Ифань бастап тұр — 2596 ұпай.
2026 жылғы қазан айындағы ФИДЕ әйелдер рейтингісінің үздік ондығы:
Хоу Ифань (Қытай) — 2596
Чжу Цзиньэр (Қытай) — 2559
Цзюй Вэньцзюнь (Қытай) — 2553
Лэй Тинцзе (Қытай) — 2552
Александра Горячкина (ФИДЕ) — 2536
Тань Чжунъи (Қытай) — 2536
Бибісара Асаубаева (Қазақстан) — 2532
Асаубаева үшін соңғы ірі жарыс 2026 жылы Самарқандта өткен Дүниежүзілік шахмат олимпиадасы болды. Бибісара Қазақстан әйелдер құрамасының бірінші тақтасында ойнап, командаға күміс медаль жеңіп алуға көмектесті. Қазақстан құрамасы 18 ұпай жинап, қорытынды кестеде тек Қытай құрамасынан қалып қойды.